וועלטליכע נייעס

די פראנצויזישע רעגירונג האט אויף צייטווייליג פארבאטן די פאליציי פון זיך באנוצן מיט סטאן-גראנאטן דורכאויס די אנגייענדע סטודענטן-געפירטע פראטעסטן נאך וואס א 15-יאריגער האט פארלוירן זיין האנט אינמיטן א געשלעג מיט די פאליציי.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פאקיסטאן האט זיך שטילערהייט אנגעשלאסן אין די סאודיע-געפירטע מלחמה קעגן די הוטי רעבעלן פון תימן.

פאקיסטאנער פייטער דזשעטס טוען אקטיוו דורכפירן לופט אטאקעס קעגן הוטי פאזיציעס.

פאקיסטאן'ס באטייליגונג איז הויפטזעכליך פאקוסירט אויף אפשוואכן הוטי מיסיל און דראון מעגליכקייטן.

• ניו יארק טיימס •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

דער געוועזענער ווענעזועלער פרעזידענט ניקאלאס מאדורא איז געווארן אנגעקלאגט מיט פרישע מענטשן רעכט פארלעצונגען, צולייגענדיג צו די דראג האנדל קלאגעס וואס ער שטייט שוין אויס.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

היינט 25 יאר צוריק, האט פרעזידענט דזשארדזש דאבעליו בוש אנאנסירט די אנהייב פון אן אמעריקאנער מיליטערישע אינוואזיע אויף אפגאניסטאן.

די אינוואזיע איז ארגינעל געווען א סוקסעס און אמעריקע האט באוויזן אראפצואווארפן די טאליבאן רעזשים אין אונטער צוויי מאנאטן און אויפגעשטעלט א נייע רעגירונג. אמעריקע האט דאן אומגעברענגט צענדליגער טויזנטער טעראריסטן וועלכע זענען געווען א טייל אין פלאנירן די 9/11 אטאקעס.

אבער די יארן זענען געלאפן און די מיסיע האט אנגעהויבן ווערן א שאד, טוישנדיג פון קאנטערטעראריזם צו אויפבויען א לאנד.

אמעריקע האט זיך נישט ארויסגעצויגן פון דאס לאנד ביז 2021, אן ארויסציאונג וואס האט רעזולטירט אז די טאליבאן זאל צוריק איבערנעמען די מאכט.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פילע פאליטיקאנטן און רעגירונג פירער זענען היינט ארויסגעקומען אדרעסירן דעם דריטן יארטאג פון אקטאבער זיבן. צווישן זיי ציילט זיך, קאנגערסמאן מייק לאולער, קאנגערסמאן רענדי פיין, קאנגרעס ספיקער מייק דזשאנסאן, ניו יארק סיטי מעיאר זאהראן מאמדאני, סענאטאר טשאק שומער, סענאטאר דזשאן פעטערמאן, געוועזענער איראנער קרוין פרינץ פאלאווי, דייטשער קאנצלער מערץ, פראנצויזישער פרעזידענט עמנואל מעקראן, ארגענטינע פרעזידענט מילעי, און אמעריקאנער סעקרעטערי אוו סטעיט מארקא רוביא.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פרא-פאליסטינער פראטעסטן זענען היינט געווארן אפגעהאלטן פארנט פון סיטי האול קעגן מעיאר מאמדאני, צוליב וואס טייל פאליסטינע אקטיוויסטן גלייבן אז מאמדאני האט פארראטן די פרא-פאליסטינער באוועגונג.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

די פענטאגאן האט אנגעוויזן פאר די סענטראל קאמענד צו צוענדיגן די צוגרייטונגען פאר א מעגליכע פארזעצונג פון גרויסע אטאקעס קעגן איראן.

אמעריקאנער און איזראעלישע באאמטע זאגן אז באנייטע אטאקעס קענען זיך אנהייבן נאך בעפאר די נאוועמבער מידטורמס, און מעגליך אפילו נאך פאר מדינת ישראל'ס וואל פארמעסט וועלכע קומט פאר א וואך בעפאר די מידטורמס.

א באנייטע קאמפיין איז ערווארטעט צו ארייננעמען גרויסע אמעריקאנער און מדינת ישראל אטאקעס קעגן איראנער ענערגיע אינפראסטרוקטור און נוקלעארע צענטערן, מיט ביידע מיליטערן פארמישט אין די אטאקעס.

• אקסיאס, צוטריט פון אמעריקאנער באאמטע •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פרעזידענט טראמפ איז ערווארטעט צו שענקען פאר אילאן מאסק, נעווידיע סי-אי-או דזשענסען האונג, גוגל קא-פאנדער סערגעי ברין און AMD סי-אי-או ליסא סו, די נאצינאלע מעדאל פון סייענס ביי די מארגנדיגע ווייסע הויז סייענס סאמיט.

• בלומבערג •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פליי-דובאי קא-פילאט האמאם אל-חמאמי האט געפלאנט צו היידזשעקן א פליגער קיין תל אביב עטליכע מאנאטן בעפאר ס'איז אים שיער געלונגען, פארגאנגענעם חול המועד.

אויספארשער זאגן אז דער קא-פילאט האט פרובירט צו באקומען ארבעט ביי א לופטליניע וואס פליט קיין מדינת ישראל און געבעטן צו פליען מיט פליי-דובאי'ס דובאי-תל אביב רוט. ער האט געזאגט פאר אויספארשער אז זיינע שריט זענען מאטיווירט געווארן דורך די סיטואציע אין עזה.

זיין פלאן איז געווען צו פארוואונדן דער פילאט און קראכן דעם פליגער אין די בן גוריון לופטפעלד, אבער האט באשלאסן עס צו אפשטופן פאר א צווייטע געלעגנהייט צוליב וואס איינער פון די שטאב מיטגלידער אויף יענעם פליגער איז געווען זיינס א פריינד, און ער האט יענעם נישט געוואלט וויי טון.

• וואל סטריט זשורנאל •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פרעזידענט טראמפ מיט א מעסעדזש צום דריטן יארטאג פון אקטאבער זיבן.

''מיר וועלן קיינמאל פארגעסן אקטאבער זיבן. מיר וועלן קיינמאל פארגעסן די געליטענע. און מיר וועלן אייביג שטיין קעגן די כוחות פון טעראר און פיינטשאפט''.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פעדעראלע פראקורארן אין ניו יארק זענען ערווארטעט צו ברענגען פרישע קלאגעס קעגן ניקאלאס מאדורא און זיין פרוי איבער די פיינונגען פאר אמעריקאנער וועלכע זענען ארעסטירט געווארן אין ווענעזועלע.

די קלאגעס נעמען אריין מער ווי 10 אמעריקאנער בירגער וואס וואשינגטאן זאגט אז זיי זענען אומבארעכטיגט ארעסטירט און געפייניגט געווארן אונטער מאדורא'ס פירערשאפט.

• סי-ען-ען •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

די טראמפ אדמיניסטראציע האט זיך אנטזאגט פון לאדענען באאמטע פון די ארגאניזאציע פאר זיכערהייט צו נאכקוקן די מידטורמס, אפצייכנדיג די ערשטע אמעריקאנער וואל פארמעסט אן קיין איבערזיכט פון דעם ארגעניזאציע אין איבער צוואנציג יאר.

די ארגאניזאציע, גערופן אין קורצן OSCE, האט באוואכט יעדע אמעריקאנער פעדעראלע פארמעסט זייט יאר 2002. זייערע אבזערווירער האבן נישט קיין אינפארסירונג אוטאריטעט און טוען בלויז נאכקוקן די וואלן און באריכטן וויאזוי די וואלן זענען צוגעגאנגען.

דער באשלוס שטעלט אמעריקע צוזאמען מיט רוסלאנד און בעלארוס וועלכע טוען אויך נישט אריינלאזן דעם ארגעניזאציע צו אבזערווירן זייערע וואל פארמעסטן.

• עם-עס-נאוו •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פרעזידענט טראמפ וויל מאכן טייל פון זיין וועסט פאלם ביעטש גאלף קלאב צו אן אפציעלע פרעזידענטליכע רוה ארט, אזױ װי קעמפ דעוויד.
דאס וועט געבן טייל פון די פראפערטי פאר די פעדעראלע רעגירונג, און טראמפ וועט באצאלן די קאנסטרוקציע ארבעט צו אויפבויען דעם פלאץ פאר צוקונפטיגע פרעזידענטן און אויסלענדישע פירער.

פאלם ביעטש קאונטי טוט באטראכטן דעם פלאן, און טראמפ'ס לויערס זאגן אז דאס וועט נישט זיין גרייט בעפאר טראמפ וועט פארלאזן דעם ווייסן הויז.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

כיזבאללא האט באקומען 200 מיליאן דאלער פון איראן צו העלפן לעבאנעזער וואס האבן געליטן שאדנס אין די מלחמה מיט מדינת ישראל.
די גרופע פלאנט צו צאלן 3,000 דאלער פּער פאמיליע פאר ארום 50,000 פאמיליעס פון פארניכטעטע געגענטער און ווילעדזשעס.

• רויטערס •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

פארטיידיגונג און טעכנעלאגיע פירמעס וועלכע ווערן געשטיצט דורך טראמפ דזשוניער און עריק טראמפ האבן באקומען אדער זענען געווארן צוגעזאגט 6 ביליאן דאלאר אין אמעריקאנער קאנטראקטן זינט די צוויי ברידער האבן אינוועסטירט אין זיי.

• עי-בי-סי ניוז •

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

דער וועלט'ס געזונטהייט ארגאניזאציע זאגט אז זי קען נישט אינגאנצן אפשאצן די ריזיקעס פון די ווירוס ליעק אין רוסלאנד אן צו באקומען מער אינפארמאציע, און האט גערופן צו רוסלאנד אז זי זאל ארויסגעבן אלע אינפארמאציע איבער דעם ליעק.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

קאנגרעס ספיקער מייק דזשאנסאן זאגט אז אויב דעמאקראטן געווינען קאנגרעס, וועלן זיי אין די ערשטע טאג אנהייבן אן אימפיטשמענט פראצעדור קעגן פרעזידענט טראמפ.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

א געוועזענער סי-איי-עי אפיציר האט זיך דערקלערט שולדיג אין גנב'נען נאנט צו 200 מילאן דאלאר פון די רעגירונג דורכ'ן פראבעצירן פאלשע קלאסיפיצירטע פראגראמען.

עף-בי-איי אגענטן האבן געפינען 298 גאלד שטיקער ווערד איבער 46 מיליאן דאלער, 2 מיליאן דאלער אין קעש, און 35 לוקסריעזע זייגערס ביי זיין הויז אין ווירדזשיניע.

ער האט אויך גענוצט 145 מילאן דאלער צו קויפן הערליכע פראפערטיס אין פלארידע.

ביים שפיץ פון די שווינדלערייען, האט ער זיך מודה געווען צו האבן ארויסגעגעבן טאפ-סיקרעט אינפארמאציע פאר אן אויסלענדישער אגענט.

ער שטייט אויס ביז 20 יאר טורמע און דארף צוריקגעבן די 200 מילאן דאלאר.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

צום 74'סטן געבורטסטאג פון דער רוסישער פרעזידענט פוטין, האט דער צפון קארעא דיקטאטור קים דזשאנג אן, אפגעשיקט א בריוו צו פוטין אין וועלכן ער רופט אים אן זיין ''בעסטער פריינט'' און שרייבט אז ער וויל עפענען א נייע קאפיטל אין באציונגען צווישן צפון קארעא און רוסלאנד.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf

היינט ווערט אפגעצייכנט גאנצע דריי יאר פון ווען 1,200 אידן זענען קאלטבלוטיג דערמארדעט געווארן דורך כאמאס טעראריסטן, שמיני עצרת, תשפ''ד.
די שוידערליכע כאמאס אטאקע אויף מדינת ישראל, באגלייט מיט אירע גראפישע פייניגונגען קעגן אידן, אריינגערעכנט נוצן די ארגסטע פייניגונג מעטאדן קעגן קליינע קינדער און פרויען, וועט עווענטועל פירן צו א מאסיווע מיליטערישע רעאקציע פון מדינת ישראל אין וועלכן די גרעסטע כאמאס פירער וועלן ווערן אפגעווישט אין צוזאמענהאנג מיט זייערע קעמפער.

עזה וועט פארוואנדלט ווערן אין א הויפן ברוכווארג און אירע איינוואוינער וועלן ליידן צוליב די שריט פון זייערע טעראריסטישע שכנים.

טראץ וואס מ'שטייט שוין דריי יאר זינט יענעם שרעקליכן טאג, טוט אקטאבער זיבן ווייטער בלייבן איינגעקריצט מיט בלוטיגע טינט און טוט פון פריש ערוועקן די עמאציאנאלע געפילן פאר די וואס זענען אריבער די אכזריות'דיגע כאמאס פייניגונגען.

זאלן די נשמות פון אלע אידן וועלכע האבן אין יענע טעג פארלוירן זייערע לעבנס האבן אן עליה.

- פאר *בקיצור* אויף *וואטסעפפ:*
https://chat.whatsapp.com/Ktq48eqtclYI6faNsR57GI
- פאר *בקיצור* אויף *סטאטוס:*
https://wa.link/zob2pf